Բժշկի ցուցումով ատամնապրոթեզների՝ շարժական եւ անշարժ, օրթոդոնտիկ եւ դիմածնոտային ապարատների պատրաստում, վերանորոգում եւ աշխատանք ատամնատեխնիկական սարքավորումների, գործիքների ու նյութերի հետ
Խնդիրների բնագավառները
- Աշխատատեղի նախապատրաստում եւ անհրաժեշտ աշխատանքային միջավայրի, միջոցների ապահովում
- Անշարժ ատամնապրոթեզների պատրաստում եւ թերությունների շտկում
- Շարժական ատամնապրոթեզների պատրաստում եւ վերանորոգում
- Կլամերների կամ ատաչմենթային ֆիքսացիայի համակարգով բյուգելային պրոթեզների պատրաստում, թերությունների շտկում, վերանորոգում
- Օրթոդոնտիկ ապարատների պատրաստում
- Դիմածնոտային պրոթեզների պատրաստում
- Ձուլման գործ եւ զոդման տեխնիկա
1. Աշխատատեղի նախապատրաստում եւ անհրաժեշտ աշխատանքային միջավայրի, միջոցների ապահովում
Աշխատանքային գործընթացը
- Աշխատատեղի կազմակերպում՝ հաշվի առնելով աշխատանքի անվտանգության, արտադրական սանիտարիայի եւ արտահագուստի, ինֆեկցիոն եւ հակահրդեհային անվտանգության սահմանված չափանիշները,
- ընթացիկ եւ առաջիկա աշխատանքի կատարման համար կարիքների գնահատում,
- անհրաժեշտ սարքավորումների, գործիքների եւ ընտրություն, համապատասխան աշխատանքային կարգավորում։
Կատարման չափանիշներ
- Առկա է համապատասխան արտահագուստ,
- աշխատանքի անվտանգության, ինֆեկցիոն եւ հակահրդեհային անվտանգության պահանջները ապահովված են,
- անհրաժեշտ ատամնատեխնիկական գործիքները եւ նյութերը համապատասխան տեսակով եւ քանակով ընտրված են,
- սարքավորումները բերված են աշխատանքային ռեժիմի։
2. Անշարժ ատամնապրոթեզների պատրաստում եւ թերությունների շտկում
Աշխատանքային գործընթացը
- Գամիկների, ներդիրների եւ ծայրատային ատամների պատրաստում,
- մետաղական եւ պլաստմասե պսակների պատրաստում,
- մետաղապլաստմասե պսակների պատրաստում,
- զոդովի եւ ամբողջաձույլ կամրջաձեւ պրոթեզների պատրաստում,
- պլաստմասե եւ մետաղապլաստմասե կամրջաձեւ պրոթեզների պատրաստում,
- մետաղակերամիկական պսակների, կամրջաձեւ պրոթեզների, ցիրկոնային գամիկների եւ կերամիկական երեսապատմամբ ցիրկոնային պսակների, կամրջաձեւ պրոթեզների մասին տեղեկատվության տրամադրում։
Կատարման չափանիշներ
- Տրամադրված դրոշմին համապատասխան ներդիրները եւ ծայրատային ատամները պատրաստված են,
- տրամադրված դրոշմին համապատասխան պատրաստված են մետաղական եւ պլաստմասե պսակներ,
- տրամադրված դրոշմին համապատասխան պատրաստված են մետաղապլաստմասե պսակներ,
- տրամադրված դրոշմին համապատասխան պատրաստված են զոդովի եւ ամբողջաձույլ կամրջաձեւ պրոթեզներ,
- տրամադրված դրոշմին համապատասխան պատրաստված են պլաստմասե եւ մետաղապլաստմասե կամրջաձեւ պրոթեզներ։
3. Շարժական ատամնապրոթեզների պատրաստում եւ վերանորոգում
Աշխատանքային գործընթացը
- Մասնակի թիթեղային ատամնապրոթեզների պատրաստում մասնակի անատամության (ադենտիայի) դեպքում,
- լրիվ շարժական ատամնապրոթեզների պատրաստում լրիվ անատամության (ադենտիայի) դեպքում,
- շարժական թիթեղային ատամնապրոթեզների վերանորոգման իրականացում,
- իմմեդիատ ատամնապրոթեզների պատրաստում։
Կատարման չափանիշներ
- Մասնակի թիթեղային ատամնապրոթեզները պատրաստված են տրամադրված դրոշմին համապատասխան, օգտագործված են համապատասխան նյութերը,
- օգտագործելով համապատասխան նյութերը, տրամադրված դրոշմին համապատասխան՝ պատրաստված են լրիվ շարժական ատամնապրոթեզներ,
- վնասված շարժական թիթեղային ատամնապրոթեզները վերանորոգված են,
- տրամադրված դրոշմին համապատասխան պատրաստված են իմմեդիատ ատամնապրոթեզներ։
4. Կլամերների կամ ատաչմենթային ֆիքսացիայի համակարգով բյուգելային պրոթեզների պատրաստում, թերությունների շտկում, վերանորոգում
Աշխատանքային գործընթացը
- Պատրաստել բյուգելային պրոթեզներ կլամերային համակարգի ֆիքսացիայով,
- ատաչմենթների մասին տեղեկատվության տրամադրում,
- զուգահեռաչափում,
- բյուգելային պրոթեզների մետաղահենքի ձուլում,
- արհեստական ատամների ընտրություն եւ շարվածք,
- պոլիմերիզացիա։
Կատարման չափանիշներ
- Տրամադրված դրոշմին համապատասխան եւ օգտագործելով անհրաժեշտ նյութեր՝ պատրաստված է բյուգելային պրոթեզ կլամերային ֆիքսացիայով,
- կատարված է զուգահեռաչաւիում, պրոթեզի տեղադրման եւ դուրսբերման ուղիները որոշված են, պրոթեզի սահմանները ճիշտ ընտրված եւ ընդգծված են,
- բյուգելային պրոթեզի մետաղահենքը ձուլված է,
- արհեստական ատամների գույնը եւ չափը ընտրված է,
- կատարված է արհեստական ատամների շարվածք,
- պոլիմերիզացիան կատարված է։
5. Օրթոդոնտիկ ապարատների պատրաստում
Աշխատանքային գործընթացը
- Օրթոդոնտիկ ապարատների պատրաստում,
- ըստ ստացված դրոշմի՝ շարժական օրթոդոնտիկ ապարատների պատրաստում,
- ըստ ստացված դրոշմի՝ անշարժ օրթոդոնտիկ ապարատների պատրաստում։
Կատարման չափանիշներ
- Օրթոդոնտիկ ապարատների հիմնական բաղադրիչները պատրաստված են համապատասխան նյութից,
- շարժական օրթոդոնտիկ ապարատները պատրաստված են դրոշմին համապատասխան,
- անշարժ օրթոդոնտիկ ապարատները պատրաստված են դրոշմին համապատասխան։
6. Դիմածնոտային պրոթեզների պատրաստում
Աշխատանքային գործընթացը
- Դիմածնոտային պրոթեզների հիմնական տեսակների պատրաստում՝ տրամադրված դրոշմին համապատասխան,
- օբտուրատորների պատրաստում՝ տրամադրված դրոշմի համապատասխան։
Կատարման չափանիշներ
- Ըստ տրամադրված դրոշմի՝ ֆիքսող, ուղղող, ձեւավորող, դիմածնոտային ապարատները պատրաստված են,
- ըստ տրամադրված դրոշմի՝ օբտուրատորները պատրաստված են։
7. Ձուլման գործ
Աշխատանքային գործընթացը
- Նախապես պատրաստված հրակայուն մոդելի վրա ձուլաձողային համակարգի ստեղծում,
- ստեղծված ձուլաձողային համակարգի հիմքի վրա կաղապարի պատրաստում,
- դետալի ձուլում։
Կատարման չափանիշներ
- Նախապես պատրաստված հրակայուն մոդելի վրա ձուլաձողային համակարգը ստեղծված է,
- ստեղծված ձուլաձողային համակարգի հիմքի վրա կաղապարը պատրաստված է,
- օգտագործելով համապատասխան համաձուլվածքը՝ դետալը ձուլված է։
Պատասխանատվությունը /անմիջական պատասխանատվության շրջանակ/
Ատամնատեխնիկը պատասխանատու է պատրաստած շարժական եւ անշարժ կոնստրուկցիաների որակի, հումքի եւ նյութերի ընտրության հարցում պատվիրատուին խորհրդատվություն տրամադրելու, նյութական միջոցները արդյունավետ օգտագործելու, աշխատանքը պատվերի պահանջներին եւ համաձայնեցված ժամկետին համապատասխան կատարելու համար։
Ատամնատեխնիկը պահպանում է անվտանգության եւ սանիտարա-հիգիենիկ կանոնները ատամնատեխնիկական աշխատասենյակներում:
Լեզուները
- Հայերեն (լավ)
- Ռուսեներն (բավարար)
- Երկրորդ օտար լեզու (բավարար)
- Լատիներեն (անատոմիական, կլինիկական արտահայտություններ ու տերմիններ)
Համակարգիչը
MS Word- բավարար
MS Excel ֊ բավարար
Internet — լավ
Գիտելիքները
Ատամնատեխնիկը պետք է իմանա.
- ատամնատեխնիկական նյութերը, դրանց հատկությունները, պահպանման եւ կիրառման ցուցումներն ու հակացուցումները,
- շարժական եւ անշարժ կոնստրուկցիաների առանձնահատկությունները, նշագծման հիմունքները, մեթոդները, մշակման տեխնոլոգիան,
- շահագործել շարժական եւ անշարժ կոնստրուկցիաների պատրաստման համար օգտագործվող սարքավորումները,
- շարժական եւ անշարժ կոնստրուկցիաների պատրաստման տեխնոլոգիայում կիրառվող հիմնական տերմիններն ու հասկացությունները,
- ատամնատեխնիկական նյութերի անհամատեղելիությունները, կողմնակի եւ թունավոր ազդեցությունները։
Կարողությունները եւ հմտությունները
Ատամնատեխնիկը պետք է կարողանա.
- ընդունել եւ գնահատել դրոշմը,
- պահպանել նախազգուշական միջոցառումները ատամնատեխնիկական նյութերի հետ աշխատելու ժամանակ,
- օգտվել կշռաչափային գործիքներից, սարքերից,
- ընտրել շարժական եւ անշարժ կոնստրուկցիաների համար հումք ու նյութեր, մշակման ռեժիմները, սարքավորումները եւ գործիքները,
- կատարել անհրաժեշտ հաշվարկներ շարժական եւ անշարժ կոնստրուկցիաների պատրաստման համար,
- կազմակերպել արդյունավետ աշխատանք,
- օգտվել տեղեկատու գրականությունից։
Անձի որակական հատկանիշներ
- Դրսեւորել անհրաժեշտ վերաբերմունք աշխատանքի եւ աշխատավայրի նկատմամբ,
- տիրապետել աշխատանքի մշակույթին եւ էթիկային արդյունավետ աշխատել թիմում,
- դրսեւորել քննդատական մտածողություն,
- կառավարել սթրեսը եւ ժամանակը, առաջացած պրոբլեմներին եւ կոնֆլիկտներին տալ համապատասխան լուծումներ,
- կարողանալ նախաձեռնել, պահպանել, եզրաւիակել երկխոսությունները եւքննարկումները,
- լինել հաղորդակցվող, թիմային աշխատանքի պատրաստ, նորին ձգտող, ստեղծագործական մտածելակերպ ունեցող, համբերատար, պարտաճանաչ։